Stqarrija Uffiċjali

Il-President u l-Kumitat Centrali f’isem il-Kummissjonijiet u Sotto-Kumitati, Soċi u l-Partitarji kollha fi ħdan l-Għaqda Mużikali Santa Marija, jesprimu s-sogħba għall-mewt tal-maħbub President Onorarju Vince Bezzina; li seħħet qasir il-għomor il-bieraħ il-ħamis, 24 ta’ Settembru kkonfortat mis-Sagramenti. Bezzina kien kaxxier u fuq kollox President tas-Soċjeta għal bosta snin. Għal snin sħaħ kien bħall-pern Dejjem preżenti, dejjem attent għas-saħħa u l-polz tal-Għaqda. Kien il-gentlom li jifittxu kulħadd f’kull saram, f’kull għelt li mas-snin jinbtu fil-hajja ta’ partit attiv.

Ghed nistennewk Awissu…

F’Mejju ħlejju, xahar ieħor tiegħek hawn nistennewk akkost ta’ kollox. Ħrara kbira biex naraw dak ġmiel wiċċek…. Nistennewk xemx kbira tiżreġ li tkun fostna tbierek kull dar, lil kull min ħabbek u lil dawk li ta’ sbuħitek ilsiera sfaw!

Viva Santa Marija

Memorji – Xeni mill-Kunċert il-Kbir, tal-11 t’Awwissu, 2015

Mistiedna speċjali: Destiny Chukunyere!

Din il-performance flimkien mal-Banda Santa Marija timmarka fost l-ewwel passi professjonali fil-karriera ta’ din il-kantanta wara r-rebħ tal-Junior Eurovison 2015 bil-kanzunetta “Not My Soul”.

Iż-żmien ta raġun lid-Delegazzjoni Banda tagħna li mall-ewwel fehmu t-talent ta’ dik it-teenanger! llum Destiny saret interpreti kompluta b’wegħda ta’ futur artistiku mill-aqwa. Hi ser tkun qed tirrapreżenta lil Malta fil-Eurovision Song Contest 2021 ġewwa Rotterdam bid-diska “Je Me Casse”.

Minn qalbna nawgurawlha kull suċċess, fama u risq!